Lerias

JANNE TELLER, Nada

2012-02-08T18:45:00.002+01:00

"-Nada importa. Hace mucho que lo sé. Así que no merece la pena hacer nada. Eso acabo de descubrirlo...-gritaba Pier Antón"

¿De verdade non hai nada polo que mereza a pena loitar? Ou quizais...

ALLY CONDIE, Juntos

2012-02-08T18:23:00.001+01:00

¿Un mundo perfecto ou perfectamente imperfecto?

Plantación de arbores

2011-12-21T22:18:00.000+01:00

Videoconferencia co IES Val Miñor e os presidentes de comunidades de montes

2011-12-21T22:09:00.000+01:00

Primeira reunión Club Lectura: Bacharelato

2011-12-03T00:55:00.003+01:00

O xoves 1 de nadal reunímonos na biblioteca para falar de O home que plantaba árbores. Das intervencións deducimos que foi unha lectura amena, doada, aparentemente sinxela, pero complexa no seu contido. Fíxonos pensar na posibilidade de que unha soa persoa poida tranformar a sociedade, neste caso mellorando o seu entorno natural de forma totalmente desinteresada, sen esperar beneficio individual a cambio.
Ao final da reunión, decidimos quedar o día seguinte no recreo para plantar landras de carballo, e así o fixemos. Foi unha experiencia breve pero moi divertida. Cada carballo que naza será a lembranza destes estupendos alumnos e alumnas no seu paso polo centro.

Con tanto entusiasmo,medrarán uns fermosos carballos!

Xa estamos en facebook

2011-11-03T20:06:00.002+01:00

Picade no icono de facebook e enviade unha solicitude de amizade.

2011-10-28T23:51:00.000+02:00

JEAN GIONO, O home que plantaba árbores
Este é o primeiro libro que propomos este curso. Trátase dunha sinxela historia de amor á natureza.Unha persoa de forma totalmente altruísta consegue recuperar as fragas da súa contorna e así mellorar as condicións de vida da xente que habita ese lugar.

GRAZAS

2011-06-09T23:23:00.003+02:00

INDIGNÁDEVOS!

2011-06-05T21:43:00.000+02:00

VIDEOCONFERENCIA CO IES VAL DO TEA DE PONTEAREAS

2011-06-05T21:06:00.002+02:00

MAKINARIA

2011-05-01T23:45:00.004+02:00

O luns imos falar de libros cos compañeiros e compañeiras do club de lectura do IES Val do Tea de Pontareas a través dunha videoconferencia.

Reunión Dez

2011-04-27T12:08:00.000+02:00

Andrej Logo, Dez

2011-04-17T21:54:00.003+02:00

Paula Carballeira no IES Primeiro de Marzo

2011-03-05T00:54:00.001+01:00

Un público totalmente entregado escoitou as engaiolantes historias de medo

dunha das mellores narradoras orais galegas, Paula Carballeira. Esta actriz,

tanto de teatro como de televisión(actúa en series como Libro de Familia) ten

publicados varios libros, sobre todo de literatura infantil e xuvenil. Destacan

entre as súas múltiples obras, a peza dramática Boas noites, I Premio Manuel

María de Literatura Dramática Infantil e o máis recente O lobishome de Candeán,

novela que espertou o interese dun gran número de lectores, entre eles do

alumnado do IES Primeiro de Marzo de Baiona.

NOVOS MÉTODOS PARA O FOMENTO DA LECTURA

2011-02-15T13:51:00.004+01:00

O luns 14 de febreiro, no IES Primeiro de Marzo de Baiona, organizouse unha videoconferencia co ilustrador e autor de banda deseñada, afincado en Francia, Alfonso Zapico. A interesante charla co escritor de novelas gráficas como Café Budapest ou La guerra del profesor Bertenev tivo lugar na biblioteca do centro, dentro da programación dunha serie de actividades relacionadas coa utilización do cómic como método de promoción da lectura, combinándoa co uso das novas tecnoloxías como medio eficaz para achegar determinados contidos de tipo cultural ao público xuvenil.

A demanda do alumnado, de forma amena e intelixente, Alfonso Zapico, desde Angoulême en Francia, foi comentando os seus novos proxectos editoriais, o presente e futuro da banda deseñada en soporte electrónico, a validez do uso do cómic como material educativo e outros aspectos relativos á vocación de deseñador gráfico ou á importancia da lectura e documentación como pasos previos á elaboración de calquera novela gráfica.

Esta foi, sen dúbida, unha enriquecedora actividade que tivo lugar grazas á utilización das novas tecnoloxías e á boa disposición e interesante obra gráfica do autor.

LENDO BANDA DESEÑADA: CAFÉ BUDAPEST E MAUS

2011-01-10T13:29:00.003+01:00

Nesta ocasión as lecturas propostas son dúas magníficas historias en banda deseñada: Maus e Café Budapest. A primeira achéganos a crúa realidade que viviron os xudeus na Alemaña nazi con personaxes moi ben construídos, que conseguen que a historia nos absorba. A segunda está ambientada nos inicios do conflito palestino-israelí e dá unha visión sinxela dunha situación tan enmarañada e complexa.
Manteremos unha vídeo-conferencia co autor de Café Budapest Alfonso Zapico en datas próximas, así que vos animamos a que leades o libro e participedes na charla. Seguro que resulta interesante.

Reunión Club de Lectura: Almogávar sin querer

2010-12-22T14:28:00.000+01:00

Este libro resultou ameno e serviunos para saber algo máis dos almogáraves, que eran mercenarios ao servizo da coroa de Aragón que participaron nas loitas contra os turcos no antigo Imperio de Bizancio.

Na reunión non eramos moitas/os porque estivemos moi liados cos exames da primeira avaliación e non houbo demasiado tempo dispoñible para a lectura, pero si foron interesantes os comentarios sobre a estrutura do libro, como é importante entendela para interpretar ben o que se conta. Salientouse tamén o acerto da ambientación, que reflectía claramente as diferenzas sociais existentes na Idade Media, un pobre almogávar como o protagonista,Garcés, non podía aspirar ao amor dunha nobre nin sequera a saber ler ou escribir . Aparecen oficios e outros aspectos da vida cotiá que conseguen trasladarnos ao século XIV. Unha boa lectura en definitiva.

Almogávar sin querer

2010-11-23T22:58:00.002+01:00

Este libro de Fernando Lalana está ambientado na época dos almogáraves, guerreiros procedentes de Cataluña e Aragón que participaron nas guerras de conquista en territorio do antigo Imperio de Bizancio contra os turcos. Tiñan fama de ser terribles e letais, esmagando a aqueles cos que loitaban, especialmente un grupo liderado por Roger de Flor. Neste contexto aparece un mozo que se resiste ao destino que lle teñen preparado por tradición: non quere ser guerreiro nin loitar en ningunha guerra. ¿Conseguirá impoñer o seu criterio e a súa ansia de liberdade? Para sabelo, teredes que ler esta novela con trasfondo histórico, que recolle tamén unha curiosa historia de amor imposible.

Compartindo lectura: O lobishome de Candeán

2010-11-09T23:06:00.002+01:00

Este libro en xeral gustou por tratarse dunha lectura fluída, amena, co aliciente de estar ambientada en zonas próximas a Baiona. Aínda que o final non convenceu a varias/os lectoras/es porque se resolve demasiado rápido e hai algúns personaxes e situacións que quedan incompletas.

Primeira reunión do Club de Lectura Lerias

2010-11-08T00:11:00.003+01:00

Falamos de Pel de lobo alumnas de 2º ESO e 2º Bacharelato e algúns/algunhas profes. As opinións foron diversas e non todas favorables. Lembrade que o próximo martes 9 de novembro reunímonos para intercambiar pareceres sobre O lobishome de Candeán.

NOVO CURSO: NOVOS HORIZONTES E LECTURAS

2010-10-12T18:57:00.009+02:00

Retomamos as actividades do Club de lectura Lerias propoñéndovos que escollades calquera destes dous libros: O lobishome de Candeán de Paula Carballeira ou Pel de lobo de Xosé Miranda.

Os dous tratan o tema do lobishome ou da muller-lobo, temática de longa tradición da cultura popular galega. A escolla ten que ver coa proximidade do mes de novembro, do Samaín, do día de defuntos e co outono que crea unha atmosfera propicia aos temas de misterio e mesmo para a lectura de relatos de medo.

O diario vermello de Carlota e de Flanagan

2010-05-13T12:00:00.008+02:00

Estaredes un pouco extrañados por ver dous libros, pero si, a proposta que vos facemos e dobre e un pouco sexista: O diario vermello de Carlota para as rapazas e O diario vermello de Flanagan para os rapaces.

Agora que ti podes elixilos como queiras e incluso ler os dous.

Esperamos que vos gusten e vos resulten de interese.
Xa contaredes.

El asesinato del profesor de matemáticas

2010-04-21T09:20:00.002+02:00

Para o alumnado do primeiro ciclo da ESO propoñemos a lectura de El asesinato del profesor de matemáticas do escritor Jordi Sierra y Fabra.
Esperamos que disfrutedes coa súa lectura.

Tomás, buscador de la verdad

2010-03-21T23:05:00.003+01:00

O novo libro que vos propoñemos e "Tomás, buscdor de la verdad" da escritora Luz Álvarez. Foi gañador do IX Premio Leer es Vivir-Juvenil da Editorial Evereste. Esperamos que vos guste.

Videoconferencia

2010-03-21T22:56:00.002+01:00

O próximo xoves 25 de marzo teremos a nosa primeira videoconferencia. Terá lugar na bibiblioteca e contaremos con Mª Cristina González Piñeiro, tradutora do libro Seda de Alessandro Baricco. Con ela falaremos do proceso de tradución dun libro e por suposto de Seda.

SEDA, Alessandro Baricco

2010-01-11T12:19:00.004+01:00

Ola a tod@s e feliz 2010!

O club de lectura ponse en marcha. A lectura que te propoñemos é SEDA do escritor italiano Alessandro Baricco. Pasa pola biblioteca, colle o teu exemplar e a disfrutar.

Podes deixar os teus comentarios segundo vaias lendo.

Novela negra

2009-05-20T21:20:00.007+02:00

A última proposta deste curso é a novela negra. Podes elixir entre a novela de Domingo Villar A praia dos afogados ou algún dos títulos de Mary Higgins Clark.

The curious incident of the dog in the night-time

2009-04-20T11:34:00.012+02:00

Este libro do escritor Mark Haddon é a nova proposta para o club de lectura. Non te asustes, o libro foi escrito en inglés e se te ves con forzas podes lelo no seu idioma orixinal, senón non hai problema, podes elixir entre a traducción ao galego ou ao castelán.

Non esquezas deixar o teu comentario sobre o libro aquí no blog, e participar na reunión do club de lectura.

¡PARTICIPA! ¡PARTICIPA! ¡PARTICIPA!

FINIS MUNDI

2009-02-26T17:41:00.010+01:00

Xa tes na biblioteca exemplares do novo libro do club de lectura, agora é o turno da Literatura castelá e a proposta é Finis Mundi de Laura Gallego.

Esperamos que vos guste.

Non esquezas deixar o teu comentario sobre o libro e participar na reunión do club de lectura.

¡PARTICIPA! ¡PARTICIPA! ¡PARTICIPA!

A CABEZA DE MEDUSA

2009-01-23T19:02:00.000+01:00

O Club de Lectura comeza con este libro da escritora Marilar Aleixandre co que acadou o premio Premio Fundación Caixa Galicia de Literatura Xuvenil 2008.
¿A que medusa fai referencia o título?. Medusa é unha personaxe da mitoloxía grega de aspecto bastante terrorífico: na cabeza crecíanlle serpes en vez de pelo; e, se miraba directamente a alguén aos ollos, inmediatamente o deixaba petrificado. Non deixes de ler a información que sobre este mito aparece na páxina Apuntes de mitología e ver as súas diferentes representacións na arte que aparecen na mesma páxina.
Pasa axiña pola biblioteca e colle o teu exemplar.

Lembra que a reunión para falar do libro é o xoves 19 de febreiro, no segundo recreo. A cita é por suposto, na biblioteca.
Non esquezas deixar o teu comentario sobre o libro.

¡PARTICIPA! ¡PARTICIPA! ¡PARTICIPA! ¡PARTICIPA!