X Xornadas dos Clubs de Lectura

Rematamos o curso coa xuntanza de clubs de lectura de toda Galicia, que se celebrou en Santiago. Un digno colofón a este intenso curso cheo de lecturas compartidas. Alí estiveron, ademais dos membros de clubs de lectura, un bo número de escritoras e escritores galegos e doutras procedencias, que dirixiron obradoiros relacionados coa poesía, narrativa, teatro, banda deseñada, guión cinematográfico e outros ámbitos culturais.
Sen dúbida, unha experiencia divertida e proveitosa, que agardamos poder repetir.