22/12/10

Reunión Club de Lectura: Almogávar sin querer

Este libro resultou ameno e serviunos para saber algo máis dos almogáraves, que eran mercenarios ao servizo da coroa de Aragón que participaron nas loitas contra os turcos no antigo Imperio de Bizancio.
Na reunión non eramos moitas/os porque estivemos moi liados cos exames da primeira avaliación e non houbo demasiado tempo dispoñible para a lectura,  pero si foron interesantes os comentarios sobre a estrutura do libro, como é importante entendela para interpretar ben o que se conta. Salientouse tamén o acerto da ambientación,  que reflectía claramente as diferenzas sociais existentes na Idade Media, un pobre almogávar como o protagonista,Garcés, non podía aspirar ao amor dunha nobre nin sequera a saber ler ou escribir . Aparecen oficios e outros aspectos da vida cotiá que conseguen trasladarnos ao século XIV. Unha boa lectura en definitiva. 
Publicado por en

2 comentarios:

  1. ENL Primeiro de marzo26 diciembre, 2010 23:48

    Pareceume un libro moi entretido, que conta un historia de amor que lle dá moita emoción, e anima a seguir lendo ata coñecer o final da relación entre os rapaces que a protagonizan. Gústame tamén a mestura que fai o autor ó empregar trazos moi históricos, con información moi precisa e situando o espazo e o tempo na Idade Media, en lugares moi concretos, o que dá moita veracidade e o utilizar tamén caracteres misteriosos arredor do irmán Gabriel, que vai guiar un pouco e encauzar a relación entre os protagonistas, Garcés e Viola, en dous momentos moi relevantes na novela. Paréceme unha obra moi respectuosa coa historia, xa que se reflicte á perfección a sociedade e a forma de vida da época. A estrutura destaca por facer da novela, unha obra moi interesante, xa que amosa novas formas de ler e coñecer os libros. Eu animo a todos aqueles que queiran pasar un bo momento a ler esta novela, que mestura amor e guerra, ricos e pobres, historia e fantasía, paixón e dúbidas..., a escoller este libro de Fernando Lalana porque, sen dúbida, vanse entreter na súa lectura.

    Marta Samoelle Nieto

    Reunión Club de Lectura: Almogávar sin querer , 24/12/10

    ResponderEliminar
  2. ENL Primeiro de marzo18 enero, 2011 23:34

    Lenice Hilario Gómez

    O libro está baseado nunha historia de amor que se remonta á época medieval cando existían almogávares(guerreiros), príncipes, baróns... Os protagonistas son Garcés(un guerreiro almogávar que apenas sabía ler e escribir) e Viola(logo herdaría o título de baronesa de seu pai) quen aínda que pertencían a diferentes clases na sociedade, amábanse dende o primeiro momento en que se coñeceron. O pai de Viola non soportaba a Garcés, pensaba que este era pouca cousa para a súa filla Viola, e este viuse na obriga de abandonar a súa terra porque, se non fuxía, o pai mandaríao matar. Aínda separados, Viola e Garcés seguían en contacto e amábanse cada vez máis. Finalmente, cando Garcés regresa á súa terra natal, despois de loitar en numerosas guerras, volve con moitos logros e títulos que acaba rexeitando polo amor de Viola. Pareceume moi amena e entretida a lectura desta historia porque, ademais de que é rápida de ler, engánchaste facilmente á trama que se trata nela. Tamén me gustou a maneira en como fai a descrición e a narración de tódolos feitos acontecidos, xa que se che fai moi doado a hora de imaxinarte o que está a ocorrer nese intre. Por outro lado, aconsellaría e animaría a ler esta historia xa que no club de lectura ninguén deu unha mala valoración sobre este libro e a min persoalmente gustoume bastante.

    ResponderEliminar

Suscribirse a: Enviar comentarios (Atom)